ليه يرحل ..ودي اعرف بس ليه.

حتّى فجري : شق ثوبه من غيابه
وصوّت لـ عينه تعالي وإجرحيه

حتى عطري جف دمّه من عذابه
وذْبلت أزهار عمري : تحتريه

حتّى صوتي قام ينطر عند بابه
ويْتسوّل " إذن " تسمعه وتجيه

حتّى شعري ظلّ واقف وإنتخى به
ونادى : يا علّه بيوم يحس فيه ..

حتّى إسمي لاحقه |حضرة جنابه
ما تغيّر .. لا ولا عمره نِسيه ،

حتّى شوقي خايفٍ منْه و يهابه
ودّه يصرخ والله يا عالم أبيه ..

حتّى جرحي ويّا خنْجره يْتشابه
دلّ دربه ، وعمره ما ضيّع يديه

حتّى شوفي دايم ينادي سرابه
ويْتمنّى : ترجع النظره إليه ..

حتّى قلبي: ما تعنّى له و جابه
ولا هو فكّر يسأل بـ لحظه عليه

حتّى فكري ضاع وضيّع له صوابه
ليه يرحل .. ودّي أعرف بس ليه ؟

[ندعوك للتسجيل في المنتدى أو التعريف بنفسك لمعاينة هذه الصورة]

انتظار

» اعرف شخصيتك من لون عينك
» نفسي اعرف وش راح تسوي <<هههههههههههههههههههه