الشعر والشعار صاروا عنآأإأآأإأآويــن ..!

تدري وش أكبر ذنب في الشرع و الدين؟....
إنك تسب اللي خلقك و تذمه

و تدري وش أكبر عيب عند المياميـن؟!...
انك تخاوي لك من الناس رمه

و تدري وش أخطار التجاوز من يمين؟!....
إنه يكون اللي على الباب عمه

والمشكله لا سلهمت فيك بالعين....
والريح تنثر في شعرهـا وتلمه

يضيع فكرك بين حد الحجاجين.....
و يمكن تجيب الكارثه و المطمه

و تدري وش اللي يدبل الكبد ويشين؟!....
بعض القصيد اللي على غير يمه

يا بندر ابن سرور ويـن أنـت هالحيـن.....
وين أنت يا زبن الأمور المهمه

وين القصيد اللي يدك الميادين ؟!....
و يهز شيخ فوق رأسـه معمه

الشعر والشعار صاروا عناوين....
و مهبل تشري القصيد وتصمه

صاروا مثل ما قال لعبة وراعين....
وكلـ.ن تربع له على رأس قمه

يقول أنا الشاعر و غيري مجانين....
ودك على مجمع حنوكه تخمه

الناس تذبح في العراق و فلسطين....
و قصايـده يـا حلـو عيـنـه وفـمـه

عساه يؤخذ في الضحـى قولـوا (آميـن)....
اللـي بنـات النـاس شغلـه و هـمـه

أحـد يحـاول ستـر عـذراء البعيـديـن....
و أحـد يـدور بالـردى بنـت عـمـه

قـد قالهـا بنـدر قبـل عــدة سنـيـن....
يثـور معهـا الـحـر و يـثـور دمــه

ولا الـردي لـو مرتـه بيـن قوسـيـن....
تـزول عـن عينـه مــزول المغـمـه

يا بنت شومي عن أهـل الضعـف تكفيـن....
مالـك ومـال اللـي قـريـب مجـمـه

والشاعـر اللـي مـن رجـالٍ مسميـن....
علـيـك فــرض لازم إنــك تتـمـه

الـدار .. والعـادات .. والسلم..والـديـن....
ثـم عقبهـا وجـه علـى أيـاة يـمـه

الصــآرم ../ نايف بن عرويل ..

من مـآ رآأإأآأإأآق لـي ..

يسـلموـوـوـو حبي ع القصيدهـ الحلوهـ وما رااق لكي رااق لي

تقـــبلي مروري يالغلا

(الرشـيـديـهـ)

انتظار

يعطيج العافيهـ خيتوو عـ القصيدهـ صراحهـ رووعـهـ ..

تقبلي مروري ..

» فك تشابك الحروف وإستخرج بيت الشعر .. ^_*