خلــي هجرني تكفى ياموت زرنــــــــــــي

خلي هجرني تكفى يا موت زرني ...
وان ما قدرت دلني مكانك وأنا أجيك ...
مابي حياتي دام خلي هجرني ...
مابي حياتي دامه يقول مابيك ...
يدري بظلم الناس يدري وظلمني ...
وأكد كلام اللي يقولون ناسيك ...
لكن قبل لاتاخذ الروح مني ...
بسأل حبيبي كم سؤال واخاويك ...
وشلون قلبك ياحبيبي تركني ؟
وتدري بخفوقي كم له سنين هاويك ...
وماتدري بعادك وصدك ذبحني ...
وماتدري عن دمع نثرته و أنا أرجيك ...
اسأل جميع الناس وش صار عني ...
اسأل وش اللي صار في حال مغليك ...
لو علموك وش كثر همي وحزني ...
من يوم حبي انتهى وصار ماضيك ...
لو علموك عن قلبي اللي يوني ...
مطعون يصرخ يشتكيلك يناديك ...
لو عاش عاقل عيشتي كان جني ...
حالي لو تشوفه بعيونك يبكيك ...
صار الحزن هو لعبتي صار فني ...
أبكي ندم والله لاحل طاريك ...
ضيقت صدر ويا الهموم اسكنتني ...
أحكي وأكمل ولا ماقلت يكفيك ...
اللي سمعته بسبتك أنت جتني ...
عطيتني كرهك وأنا الحب معطيك ...
ضاعت سنيني وأنا بالحب أبني ...
قصور وانهدت بسبب فعلة يديك ...
جاك الوفا والحب والعشق مني ...
حتى الوله والشوق والصدق معطيك ...
قلبي وفا لك وأنت قلبك خدعني ...
خدعت قلب كان بالحب شاريك ...
بكذب وخيانه وغدر قلبك حضني ...
في وقت قلبي فيه يسهر يداريك ...
ماكنت أظن قصدك بحبك تذلني ...
ذليتني من بعد مامت أنا فيك ...
هذي حقيقه بعض مامنك جتني ...
وبعض الذي اسقيتني أنت بإيديك ...
ماكنت ساكت خايف بس لأني ...
ميت بحبك ما أقدر ازعلك واشقيك ...
حرمت أقول لك من محبتك عطني ...
مادام غيري في محبته مرضيك ...
ببعد بعيد و أوعدك ما احني ...
ابشر اببعد ومع حبيبك بخليك ...
خلصت هرجي الحين ياموت خذني ...
تاركلك الدنيا بها الله يهنيك ...
واذا سأل في يوم انسان عني ...
قله توفى والسبب طعن بإيديك ...

يالــــبى الكلمــآأـأآت .. يسلمووو خيتوو على هـيك طررح ..

تقبلي مروري

مشـــــــــــــكور أخوووي ع الرد

شكرا

» تكفى ياموت زرني
» دكتور تكفى وقف الدرس ولاهنت