تــوك صــغــيــرهـ

توك صغيره وابتديتي تحبين..
من علمك ليل السهر ياصغيره..

بدري عليك العشق..
يابنت هألحين..

حرام هذا القلب..
وش هو مصيرهـ..؟

أنتي بريئه في الهوى..
ليه تشقين..؟

دروبه طوال..
عليك وعسيرهـ..

رحتي بدرب..
ماله أصلا عناوين..

وأنتي مشاويرك..
من أول قصيرهـ..

ياطفلة حبت..
وراحت على وين..؟

عقب الهنا..
ذقتي الحياه المريرهـ..

وينك ووين الحب..
والشوق والبين..

عنيتي عيونك..
وصرتي سهيرهـ..

امحق تسليه..
كان ودك تسلين..

الورد لولا اللون..
وش هو عبيرهـ..؟

خليتي دروسك..
وصرتي تحاتين..

الدرس في ديرهـ..
وأنتي صرتي بديرهـ..

وصرتي بعد..
من غير هذا تغارين..

والمشكله يابنت..
منتي خبيرهـ..

نصيحتي لكـ..
كان ودك تردين..

يم السعادهـ..
والحياهـ المثيرهـ..

خلكـ بجو العايلهـ..
لاتعدين..

ماما وبابا..
والعجوز الضريرهـ..

شيبانكـ اللي..
مايبونك تعانين..

من بينهم عشتي..
كأنك أميرهـ..

الحب قبلكـ..
هز ناس كثيرين..

وخلا القلوب تعيش..
هم وحيرهـ..

الحب يفضح..
لاانكشف داخل العين..

وأنتي بنفسك..
ماهقيتك بصيرهـ..

طيعي كلامي..
واحذري لاتمادين..

تراجعي..
لعل في الأمر خيرهـ..

عيشي الطفوله..
والبراءه لك سنين..

وبعدين حبي..
لاغديتي كبيرهـ..