عــشــان أنــســاكـ

رحلت ومقصدي كله.. عشان انساك
نسيتك ؟! لا حشى واللي خلق راسي تناسيتك
تناسيتك نعم لكن بقت في داخلي ذكراك
بقى في داخلي زولك بقى في داخلي بيتك
ألا ياكيف أنا بآسلى ليالي غربتي واسلاك؟
مدام اني ليا جيت لمرآية غرفتي جيتك ..
أشوفك في وسط عيني وأغمضها عشان امحاك
واشووفڪ داخل جفوني إذا غمّضت[ ضمّيتڪ ] .. ..
[أضمّڪ] واشتكي طيفك على طيفك بدون إدراك
وانا في غربتي ليتڪ تحس بحالتي ليتڪ
ورى عوج الضلوع ألقى بقايا ضحكتك والقاك
وأسافر لك وانا حيّك واسافر لك وانا ميتك
نقشت [أسمڪ] على عرق الخفوق اللي فقد يمناك
واذا مرّ النفس صدري تذكرتڪ وحيّيتك .. ..
شهور مرّت وانا قلبي يعيش بضيعته بحماك
بدون أسباب لاتسأل ليا منّي تمنيتك
أهذري بك واغني بك [ أنا اهواڪ أنا أهواڪ]
وأمرّك تايهٍ .. واذكرك لامني تعديتك
حبيبي طالبك تڪفى سألتك بالذي سواك
وش اللي يمنع عيوني ليا جيتك وراعيتك ؟
تحاڪمنا على الفرقى بدون اسباب يامقساك
تخالفنا .. تعدينا الحدود .. ورحت خليتك ..
ڪذا مامن سبب يشرح نهاية قصتي وياك
تڪبرت .. وتڪبرت .. وتحديت .. وتحديتك ..!!
تفارقنا ودمعات [القهر] تخشع على فرقاك
وبلاي اني من دموع الوداع المرّ واسيتك
حبيبي والفضا كله مساحات وسما وافلاك
يضيق وغيبتڪ قشرا .. وانا جيتڪ وناجيتك
مدام ان الغياب اللي يداعب غربتي فتاك
أمانه لاتجاهلني .. وانا للوصل ناديتك
صحيح اني تجاهلتڪ وخليتڪ عشان [انساڪ]
ولكن والذي سوى عروقي .. بس تناسيتك
تناسيتك نعم لكن بقت في داخلي ذكراك
بقى في داخلي [حبڪ] .. بقى في داخلي بيتك